SHoT 2021

Movt lea koronaeallin leamašan?
Otná beaivvi rájes sáhtát don gii leat studeanta vástidit juste dan gažaldahkii SHoT-iskkadeamis maid álbmotdearvvašvuođainstituhtta čađaha ja vuoitit 5000,- ruvdnosaš skeaŋkakoarta.  
 
Ulbmil dáinna iskkademiin lea kártet movt studeanttaid dearvvašvuohta ja loaktindilálašvuohta lea leamašan maŋemus jagi. SHoT-iskkadeapmi čađahuvvo gaskal njukčamánu 1. beaivvi gitta cuoŋománu 5. beaivái. Studeanttat geain lea loatna Stáda loatnakássas ožžot liŋka iskkadeapmái e-boasta bokte.  
  
Jus it leat ožžon liŋka iskkadeapmái e-boaste bokte de sáhtát váldit iskkadeami dáppe!